MY FAMILY

INTRODUÇÃO DA IDENTIDADE

 Hello,,hau nia naran kompletu Cedelisia Imaculada Costa da Silva, baibain ema bolu hau Ika/Aka. Hau husi munisipiu Viqueque, hela iha Becora Has-Laran, tinan 17 anos no escola iha Amigos de Jesus. Hau membro husi RYPEN-TL✨✨

RYPEN-TL

Saida mak RYPEN-TL? 

RYPEN-TL sigla husi (Rotary Youth Program of Encouragement Timor-Lorosa'e) ho nia Lema "Hakbi'it Talentu Foinsa'e" hanesan Programa ida ba Joven no foinsa'e Timor oan sira ho idade 15-17 anos. No mos Programa ida ne'ebe fo oportunidades ba Juventude sira atu desenvolve sira nia Lideransa, konfiansa no abilidade de komunikasaun no desenvolve sira nia an. No nia Objetivu atu forma Lider joven sira ne'ebe responsavel kreativu no fo kontibuisaun ba Timor-Leste iha Futuru.

Tuir hau nia esperiensia Rypen ne diak tebes tamba husi RYPEN ita bele promove ita nia talentu no mos maneira oinsa atu labele tauk atu ko'alia iha ema barak nia oin(Public Speaking). No iha RYPEN mos hau bele kohnese ema barak los hanesan RF(Rypen Fasilitator) sira ne'ebe mak diak no mos kolega sira ne'ebe mak diak no mesak matenek hotu deit no hau senti kontente bele halimar ho kolega sira ne'ebe mak La halo ann no toman ema lalais deit🤩🤩

No hau Alumni Rypenean 2025 tuir mai hau sei fahe hau nia esperiensia durante hau iha RYPEN-TL✨

📍Community Service iha AILEU suku Saboria.

Iha dia 28 de Novembro ami Rypenean sira seluk ba halo Servisu komunidade iha Aileu suku Saboria hodi selebra Loron Proklamasaun da Independência ba dala 50 anos hamutuk ho inan-aman, juventude no Labarik sira iha suku Saboria, Postu administrativu Aileu Vila, municipiu Aileu.

Atividade sira ne'ebe hala'o inkliu: Animasaun ba Labarik sira, jogos ba alin ki'ik oan sira, kanta, reflesaun atu hanoin hikas fali ita nia herói sira ne'ebe mate tamba ukun an ba rai ida ne'e, Filmagen tempo uluk no apoiu/asaun karidade ba komunidade sira.

Komemorasaun ne'e Laos deit fo onra ba ita nia nasaun nia jornada ba ukun rasik-an maibe reforsa mos kompromisu RYPEN-TL nian ba Desenvolvimentu juventude no envolvimentu komunidade ne'ebe ativu.

📍Valentine's Day iha Maloa.

RYPEN-TL ho susesu hala'o atividade servisu komunitária ba dala uluk iha tinan 2026. Liu husi kolaborasaun Familia Orfanato St. Clara FCJM hodi selebra loron Domin/Valentine's Day✨

Atividade sira ne'ebe halao inklui: Animasaun ba Labarik sira, jogos, kanta, konta historia kona ba Valentine's Day no fahe Kado ba Alin ki'ik oan sira.

Inisiativa ida ne'e ho objetivu atu lori ksolok ba Labarik sira liu animasaun no jogu interativu sira, enkuantu promove mos moris iha ambiente saudavel. Eventu sira ne'e mos sai hanesan oportunidades atu hametik relasaun entre Rypeneans ho Familia Orfanato St. Clara FCJM, hodi haburas espírito unidade, solidariedade no servisu voluntáriu

📍Limpeza iha Loron Veteranu.

Iha Loron 3 de Março Rotary Youth Program of Encouragement Timor-Lorosa'e (RYPEN-TL) hala'o atividade Limpeza hamutuk iha Cristo-Rei hodi komemorasaun Loron Veteranu

Atividade ida ne hala'o atu fo hanoin fila fali mai ita katak ema mos presija ambiente ne'ebe mak mos no ami konsege Limpeza iha Cristo-Rei ajuda mos husi RYLA no komunidade sira seluk atu hametin Solidariedade no hatudu onra ba herói sira no mos atu ita Labele soe foer arbiru Liuliu iha parte Tasi tamba bele estraga Animal sira iha Tasi Laran no halo ita nia tasi sai foer✨.

Atividade ida ne'e La'os deit atu hadia ambiente maibe atu hatudu Respeitu no gratidaun ba Sakrifisiu sira ne'ebe veteranu sira halo ba ita nia rai doben Timor-Leste

Tamba sira nia Sakrifisiu, ita bele moris Liberdade💕 .

Ida ne'e mak hau nia esperiensia durante hau iha RYPEN-TL. Hau kontente no orgulhu lo'os tamba bele iha Atividade ida ne'ebe mak interessante tebes no pessoal hau rasik sei la baruk atu sai nafatin membro RYPEN-TL✨✨. 

No hau mos espera kolega sira bele interese ka konsiensia atu tuir RYPEN-TL🤗.

FACEBOOK📌

RYPEN TIMOR-LOROSA'E

HOW TO APPLY:

https://drive.google.com/file/d/1xWlQMQ_6-y2X1A6cnrpCttTobOpQ3maI/view?usp=sharing